ہجرت مدینہ کے موقع پر حضرت ابوبکر صدیقؓ اور حضور اکرم صلی اللہ علیہ وآلہ وسلم کے ساتھ پیش آنے والا دلچسپ واقع

 ہجرت مدینہ کے موقع پر حضرت ابوبکر صدیقؓ اور حضور اکرم صلی اللہ علیہ وآلہ وسلم کے ساتھ پیش آنے والا دلچسپ واقع

حضرت ابوبکر صدیقؓ اسلام کی تاریخ کی وہ عظیم شخصیت ہیں جن کی زندگی ایمان، وفاداری اور قربانی کی روشن مثال ہے۔ ان کے بارے میں بے شمار واقعات مشہور ہیں، مگر ایک نہایت دلچسپ کہانی ہجرتِ مدینہ کے موقع پر پیش آنے والا واقعہ ہے۔

B.ad

ایک دفع جب مکہ میں کفارِ قریش نے حضور اکرم صلی اللہ علیہ وآلہ وسلم کو شہید کرنے کا منصوبہ بنایا تو اللہ کے حکم سے آپ صلی اللہ علیہ وآلہ وسلم نے مدینہ کی طرف ہجرت کا فیصلہ فرمایا۔

اس عظیم سفر میں حضور اکرم صلی اللہ علیہ وآلہ وسلم نے اپنے سب سے قریبی اور قابلِ اعتماد ساتھی حضرت ابوبکر صدیقؓ کو ہم سفر منتخب فرمایا۔ یہ حضرت ابوبکرؓ کے لیے بہت بڑا اعزاز تھا۔ انہوں نے پہلے ہی دو اونٹ اس نیت سے تیار کر رکھے تھے کہ اگر کبھی ہجرت کا حکم آئے تو فوراً روانگی ہو سکے۔ راستے میں دونوں حضرات (حضور اکرم صلی اللہ علیہ وآلہ وسلم اور حضرت ابوبکر صدیقؓ) غارِ ثور میں تین دن تک مقیم رہے۔

کفار مکہ حضور اکرم صلی اللہ علیہ وآلہ وسلم کی تلاش میں وہاں تک پہنچ گئے۔ جب حضرت ابوبکرؓ نے دیکھا کہ دشمن غار کے دہانے تک آ پہنچے ہیں تو انہیں اپنی جان کی نہیں بلکہ حضور اکرم صلی اللہ علیہ وآلہ وسلم کی سلامتی کی فکر لاحق ہو گئی انہوں نے گھبرا کر عرض کیا: یا رسول اللہ! اگر ان میں سے کوئی اپنے قدموں کی طرف دیکھ لے تو ہمیں دیکھ لے گا۔ اس موقع پر حضور اکرم صلی اللہ علیہ وآلہ وسلم نے نہایت اطمینان سے فرمایا: ابوبکر! تمہارا کیا خیال ہے ان دو کے بارے میں جن کا تیسرا اللہ ہے؟ یہ سن کر حضرت ابوبکرؓ کا دل مطمئن ہو گیا۔ اللہ تعالیٰ نے اپنی قدرت سے غار کے دہانے پر مکڑی کا جالا بنوا دیا اور ایک کبوتر نے وہیں انڈے دے دیے۔

کفار نے جب یہ منظر دیکھا تو کہنے لگے کہ یہاں کوئی اندر نہیں جا سکتا، ورنہ جالا ٹوٹا ہوتا۔ یوں اللہ نے اپنے محبوب حضور اکرم صلی اللہ علیہ وآلہ وسلم اور ان کے سچے ساتھی کی حفاظت فرمائی۔ یہ واقعہ حضرت ابوبکر صدیقؓ کی بے مثال وفاداری اور رسول حضور صلی اللہ علیہ وآلہ وسلم سے گہری محبت کو ظاہر کرتا ہے۔ انہوں نے ہر مشکل گھڑی میں اسلام اور حضور اکرم صلی اللہ علیہ وآلہ وسلم کا ساتھ دیا۔ اسی اخلاص اور سچائی کی وجہ سے انہیں صدیق کا لقب عطا ہوا اور وہ امتِ مسلمہ کے لیے قیامت تک ایک روشن مثال بن گئے